- 110 -

1338. Jan. 21. Liegnitz.

Herzog Boleslaus bekennt, dass er die von Johannes de Sarow, Helmbold und Thilo erkaufte erbvogtei, für 510 Mark dem Franczko de Trebelwicz verkauft habe.

In nomine domini amen. Nos Boleslaus dei gracia dux Slesie et dominus Legniczensis recognoscimus vniuersis, quod constituti in nostra presencia Johannes de Sarow, Helmboldus et Thilo, aduocati hereditarij Legniczenses, in bona valitudine corporum et animorum, non compulsi nec coacti et sano amicorum suorum consilio rite et racionabiliter nobis vendiderunt omnem ipsorum porcionem judicij seu aduocacie hereditarie Legniczensis et allodij in Dormpusch prope Legnicz ad eos spectantem cum adherencijs et triginta sex marcarum redditus videlicet in fartorio, macellis, stubis balnearijs et censu mansorum in Dormpusch et alias, vbi dinoscuntur habere in ciuitate vel extra ciuitatem Legnicz, nobis et ad manus nostras libere resignando, cessando et renunciando pro se, suis heredibus, et legitimis successoribus et super dicta porcione judicij seu aduocacie hereditarie Legniczensis, censuum et redituum omni juri, jurisaccioni, impeticioni repeticioni et accioni eisdem competentibus in presenti atque eciam in futuro profitentes predicti in presencia nostra nostrorumque fidelium in pecunia se esse expeditos. Nos vero, habito nostrorum fidelium consilio, matura et diligenti deliberacione prehabita, rite et racionabiliter vendidimus et juste vendicione titulo tradidimus pro quingentis et decem marcis grossorum Polonici numeri nobis iam solutis et datis fideli nostro Franczkoni de Trebilwicz ipsi ementi et recipienti pro se, suis heredibus, filijs, filiabus et legitimis successoribus, predictam porcionem judicij seu aduocacie hereditarie Legniczensis, allodij cum adherencijs ejus reddituum et censuum, vt prescriptum est, jure, dominio et vsufructu, vt ad prefatos pertinebat et vt eciam plenius in priuilegijs prioribus continentur, libere et sine omni seruicio hereditarie et perpetue possidendam, habendam, vendendam, permutandam, donandam et in vsus ipsorum placitos conuertendam, prout eisdem melius et conueniencius videbitur expedire. Volentes eciam predictis, Franczkoni, heredibus et legitimis successoribus nostram graciam vberius ampliare, ex munificencia nostre largitatis damus ipsis hanc prerogatiuam, quod omnia bona, que emere valuerint vel comparare ad ipsum judicium seu aduocaciam hereditariam in ciuitate, vel extra ciuitatem nostram Legnicz et curiam mansionis in Legnicz, libere et sine omni seruicio debeant possidere, habere et jure feodali comparare et frui, sicut ceteri nostri feodales. Et vt omnia prescripta perpetue rata, grata et immutabiliter permaneant, presentem litteram nostro maiori sigillo duximus roborandam. Datum Legnicz die sancte Agnetis anno domini M°C°C°C° tricesimo octauo, presentibus nostris fidelibus Stephano de Parschowicz, Jeskone Busewoy, Rulone Kursebog, Dirscone Mrokot, judice curie Legniczensis, militibus, Johanne Rymberg, Luthero de Schellindorf et Gerlaco nostre curie notario, qui presencia habuit in commisso.

O. d. St. L. No. 46. Das Reitersiegel mit dem Rücksiegel in schwarzem Wachs an Schnüren von grüner und oranger Seide.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866